Сарманда яшәүче Зәкия Исламовага 95 яшь тулды

Сарман авылында яшәүче Зәкия Шакирҗан кызы Исламова 2 октябрь көнне олуг юбилеен билгеләп үтте. Аңа 95 яшь тулды.

Тыл һәм хезмәт ветераны Зәкия әби гомере буе Сарман икмәк комбинатында кочегар булып эшли. Тормыш иптәше Әкрам белән ике кыз һәм бер ул үстерәләр. Бүгенге көндә улы Ринат һәм килене Ирина тәрбиясендә яши.

Гомер бәйрәменә Зәкия әбинең туганнары, коллегалары, авыл җирлеге башлыгы һәм район җитәкчеләре җыелды. Шул хөрмәттән бик матур өстәл әзерләнеп, матур теләкләр әйтелде.

Тулырак язманы газетабызның 8 октябрь саныннан укыгыз.