Сарманда реформага нигезләнеп эшлиләр

Сарманда 8 сәгатьлек 5 көнлек эш атнасы шактый оешмада кертелгән. Ә сез аның тарихын беләсезме?

1926 елның 25 сентябрендә америкалы промышленник Генри Форд 8 сәгатьлек 5 көнлек эш атнасы кертелүен игълан итә. Бу карар хезмәт хокукын төзү дә беренче адым була. Тик Форд эш сәгатен генә кыскартып калмый, ул АКШта иң югары хезмәт хакы билгели, эшчеләргә компаниянең керемнәрендә катнашырга рөхсәт итә, үрнәк эшчеләр бистәсе төзи, ә аның завод капкаларында "Исеңдә тот, Аллаһ кешене запас өлешләрсез тудырган" ("Помни, что Бог создал человека без запасных частей") дигән язу эленеп торган.