Сарманда Хәтер һәм кайгы көненә багышланган митинг үтте

Бүген район үзәк ял паркында Хәтер һәм кайгы көненә багышланган митинг үтте. Анда район башкарма комитеты җитәкчесе урынбасары Индира Сәхипова, яшьләр эше, спорт һәм туризм бүлеге җитәкчесе Илгизәр Гаделшин, "Бердәм Россия" сәяси партиясенең җирле башкарма комитеты җитәкчесе Лилия Шәрипова, Татарстан Республикасы хәрби комиссариатының Сарман һәм Мөслим районнары бүлеге хезмәткәре Ленар Һадиуллин, Әфган сугышы ветераны Рафаэль Газизуллин, хәрби комиссариат, мәгариф бүлекләре хезмәткәрләре, лагерьларга йөрүче балалар катнаштылар. Бераз тарих белән танышып киткәннән соң бер минут тынлык игълан ителде, аннары мемориалга тере чәчәкләр һәм тәкыялар салынды.

Шулай ук укыгыз:

Сарманда "Хәтер шәме" кабыздылар