Сарманда да Кулибиннар бар

Ул моннан 285 ел элек дөньяга килгән. Аның тарафыннан уйлап табылган әйберләр киң таралган. Россиядәге беренче телеграф, педальләр белән хәрәкәткә килүче үзе йөри торган экипажлар уйлап тапкан кеше дә ул. Агач күперләр проекты авторы да – Кулибин.
Танылган осталар безнең районда да бар. Үзйөрешле трактор, очкыч, тәгәрмәчтә мунча ясаган райондашларыбызны да беләбез.
Сарманда яшәүче Рамил Юнысов тәгәрмәчтә йөри торган җәйге “ял йорты” ясый. Бөек Җиңү көне якынлашкан көннәрдә аны нәкъ шул хәрби стильгә яраклаштырган ул.
Уңган райондашларыбызга, афәрин, дибез.
Альбина Сабирова язмасы һәм фотосы