Сарман урта мәктәбендә әфганчыларның әниләре белән очраштылар

"Сарман: иң яңа хәбәрләр", 16 февраль 2019 - 10:00

1235

Сарман урта мәктәбендә, Әфганстаннан совет гаскәрләрен чыгаруга 30 ел тулу уңаеннан, Әфганстанда хезмәт иткән һәм батырларча һәлак булган Садыйков Илшатның әнисе Вәсилә апа белән очрашу булды.

Әфганстан сугышы турында документаль фильм караганнан соң, Вәсилә апа Илшат ның балачагы, мәктәп тормышы, армия сафларына алынуы ,Әфганстанда хезмәт итүе һәм сугыш кырында батырларча һәлак булуы турында сөйләде. Очрашу ахырында Вәсилә апа укучыларга “Көннәребез тыныч, күкләребез аяз булып, шартлау тавышларын ишетмичә яшәргә язсын иде” дигән изге теләкләрен җиткерде.