Сарман "мәгълүмат-мөхәррият үзәге"нә кунаклар килде

Бүген Сарман матбугат үзәгендә "Олимпийские надежды" спорт-сәламәтләндерү лагерена йөрүче кызлар һәм егетләр кунакта булдылар. Бик кызыксынып, төрле сораулар биреп, алар матбугат хезмәткәрләренең эш кабинетларында булдылар, газета эшләү, версткалау серләре белән таныштылар

- Бу - икенче смена инде. Барлыгы йөзгә якын укучы лагерьда сәламәтлекләрен ныгыта, ял итә. Иртән физзарядка ясыйбыз, аннан волейбол, йөзү буенча шөгыльләнүләр башлана. Төрле кызыклы җирләргә экскурсияләргә барабыз. Бакыр базында, чишмәләр буенда, Илек янындагы паркта булдык, - ди йөзү буенча тренер Илдар Мөхлисуллин.

Лагерь җитәкчесе Шамил Хафизов, вожатая Айсылу Солтанова һәм башкалар укучыларның ялын файдалы һәм мавыктыргыч уздыру өчен төрле чаралар үткәрәләр. Җәлил бистәсеннән, төрле авыллардан да килеп, лагерьда рәхәтләнеп ял итәләр, аларга монда бик ошый.