Сарман кызлары һәм егетләре өчен быелгы җәй аеруча күңелле үтте

Җәйге каникулларны һәркем көтеп аладыр. Рәхәтләнеп ял итәсең, кунакка барасың, дуслар белән очрашасың, балыкка, җиләккә йөрисең һәм тагын бик күп кызыклы мизгелләр кичерәсең. Инде җәйге яллар тәмамлануга да санаулы көннәр калып бара. Озакламый мәктәпкә укырга барасы. Сарман авылының аръяк ягындагы урамнарда яшәүче кызлар һәм егетләр өчен быелгы җәй аеруча күңелле үтте. Көн саен диярлек алар бергәләшеп җыелып, уеннар уйнадылар, велосипедта йөрергә чыктылар. Беренчедән, бергә очрашу, аралашу рәхәт булса, икенчедән, сәламәт яшәү рәвеше аларга яңа уку елына яңа көч өсти, күбрәк хәрәкәтләнү аларны чыныктыра.

Ә сезнең җәйге яллар ничек үтте, кадерле дуслар? Кызыклы фотоларыгызны безгә юллагыз, яки комментарийларда калдырыгыз.