"Сарман" газетасы белән тагын бер конкурс башлана

Әйе, хөрмәтле газета укучылар, сезнең белән тагын бер конкурс оештырып алырга булдык әле. Монысы "Сарман"ны үзең белән ал!" дип атала . Кая алырга, дисезме? Отпусклар чорына керәбез, кемдер ял итәргә чит илгә китәр, кемнәрдер үзебездәге ял итү, сәламәтләндерү урыннарын сайлар. Кая барсагыз да, "безне" үзегез белән алыгыз әле. "Сарман" газетасы белән ял итү урынында төшкән фотоларыгызны редакциягә юллагыз (безнең электрон адрес - sarmangazetam11@mail.ru), конкурста катнашыгыз. Җиңүчеләрне сюрпризлар көтә.