Сарман егетләре Олимпия резервлары училищесыннан гына калыштылар

"Сарман: иң яңа хәбәрләр", 22 октябрь 2019 - 09:17

1880

Октябрь башында Казан шәһәрендә 17 яшьлек уенчылар арасында өстәл теннисы буенча республика беренчелеге уздырылды.

Динар Йосыпов, Булат Латыйпов, Альмир Мөхәммәдиев һәм Илнур Латыйпов кебек уенчылардан торган Сарман командасы анда уңышлы чыгыш ясады – Казанның Олимпия резервлары училищесы һәм Олимпия резервлары спорт мәктәбе командаларыннан гына калышып, III урынны яулады.
Динар белән Булат Олимпия резервлары училищесында укысалар, Альмир белән Илнур Сарман аграр көллияте студентлары. Шәхси беренчелектә Динар – 2, Булат – 7 нче урында. Парлы һәм катнаш парлы уеннарда Динар 1 нче һәм 2 нче булса, Булат 2 нче һәм 3 нче урыннарны яулады. Егетләргә алдагы ярышларда да уңышлар теләп калабыз.