Сарман аграр көллиятендә Студентлар көнен бәйрәм иттеләр

Шул уңайдан кичә Сарман аграр көллиятендә шунда укып чыккан егетләр һәм кызлар белән очрашу узды. 

Студентларны якынлашып килүче бәйрәмнәре белән район Башкарма комитетының яшьләр эшләре, спорт һәм туризм бүлеге начальнигы Руслан Гыйльфанов котлады, иң активларын бүләкләп китте. Көллиятне тәмамлаган яшьләр әлегә шунда укучылар белән тәҗрибәләрен уртаклаштылар, кызыклы хәлләрне искә төшерделәр, киңәшләр бирделәр. Бәйрәм кичәсе концерт номерлары белән үрелеп барды.