Саклаубашта "Бантиклар көне" узды

Саклаубаш урта мәктәбендә икенче ел инде озынайтылган көн төркеме эшли. Төркем җитәкчесе Фәүзия Гайсина белән балалар, дәресләр беткәч, өй эшләрен эшлиләр, түгәрәкләргә йөриләр, төрле чараларда катнашалар.

Сишәмбе көнне мәктәптә зур бәйрәм - "Бантиклар көне" булды. Балалар бәйрәмгә алдан ук әзерләнеп, төрле-төрле тасмалар алып килгәннәр иде. Алар чәчләренә матур бантлар куеп көч сынаштылар. Кызлар табышмакларга җавап бирделәр, үзләренең һөнәрләрен күрсәттеләр, татар халык уеннары уйнадылар.