Республикада санитар-экологик икеайлык һәм «Экояз» бәйгесе старт алды

Икеайлык белән беррәттән бүген «Экояз» республика конкурсы да старт алды. Быел ул Россия халыклары бердәмлеге елына, шулай ук Хәрби һәм хезмәт батырлыгы елына багышлана.

Бәйге 8 атналык марафон форматында узачак

Һәр атна аерым темага багышланган:

«Кошларга ярдәм ит» – җимлекләр һәм сыерчык ояларын ясап, паркларга урнаштыру.

«Зоокайгырту» – приютларга ярдәм күрсәтү, хайваннарга карау.

«Экологик илһам калейдоскобы» – икенчел чималдан сәнгать әсәрләре һәм СВО ихтыяҗлары өчен әйберләр ясау.

«Табигать язмышы безнең кулларда» – агачлар һәм куаклар утырту. 26 апрельдә Туган тел көне һәм Габдулла Тукайның 140 еллыгы уңаеннан бишенче атнага кадәрге постлар татар телендә урнаштырыла.

«Тынычлык, хезмәт, май» – йорт, мәктәп, парк һәм скверлар тирәсен төзекләндерү.

«Геройлар янәшәбездә яши» – мемориалларны төзекләндерү, сугыш һәм хезмәт ветераннарына, СВО катнашучыларына ярдәм.

«Без чүп-чарны аерым җыю яклы» – макулатура, пластик, кием-салым җыю һәм тапшыру.

«Чиста су» – елга, күл һәм буаларны, яр буе зоналарын чистарту.

Ничек катнашырга?

Бәйгедә катнашу өчен беренче атна биремен үтәп, «ВКонтакте»та пост урнаштырырга һәм 5 апрельгә кадәр чат-ботка хисап тапшырырга кирәк: https://vk.ru/app7062840#mineco_rt_konkurs&force=1 

Тулырак мәгълүмат һәм конкурс нигезләмәсе белән Экология министрлыгы сайтында танышып була: https://eco.tatarstan.ru/2026-9029309.htm 

Кызыклы факт: узган ел «Экояз» конкурсында 1100 гаилә туган якның чисталыгын саклауга үз өлешен керткән. Табигатькә ярдәм итәргә теләгән һәркем чакырыла!