Районның биш җирлеге яңа тракторлы булдылар

Районның Иске Имән, Иске Кәшер, Чукмарлы, Мортыштамак авыл һәм Җәлил поселогы җирлекләре "Татарстан Республикасы муниципаль районнарының административ үзәк булмаган авыл һәм шәһәр җирлекләренә грантлар бирү" республика бәйгесендә җиңү яуладылар. Аларның һәркайсы - 1,5 миллион, ә поселок 2 миллион сум грант отты. Бу акчаларга алар "МТЗ-82.1" тракторы алдылар. 
- Техниканы кем йөртәчәге билгеле. Шушы авыл егете Ирек Хафизов хуҗалык эшләрендә ярдәм итәргә ризалык бирде. Тракторга арба да таптык, - диде Мортыштамак авыл җирлеге башлыгы Илдар һадиуллин. 
Альбина Сабирова