Районда җил көчәя

Татарстан Республикасының көнчыгыш районнарында урыны белән җилнең тизлеге секундына 15-18метрга җитәргә мөмкин.
(Казан, 9 июнь, "Татар-информ"). Бүген, 9 июньдә көндез (12.00-18.00 сәгатьләрдә) Татарстан Республикасының көнчыгыш районнарында урыны белән җилнең тизлеге секундына 15-18 метрга җитәргә мөмкин. Урыны белән яшен булу да ихтимал, дип кисәтә Татарстан Республикасы Гидрометеорология һәм әйләнә-тирә мохитне күзәтү хезмәте.

Көндез республика буенча һаваның иң югары температурасы - 17-22 градус җылы булачак

Көчле җил, яшен һәм боз явуы юлдагылар өчен җитди куркыныч тудыра. Һава шартлары бозылганда, урамда булсагыз, электр тапшыру линияләре, агач, реклама щитлары һәм киштәләр янында тормагыз, шулай ук йорт кәрнизләре, реклама элмә такталары, элмә такталар янәшәсендә тору киңәш ителми, дип кисәтә Россия Гадәттән тыш хәлләр министрлыгының Татарстан Республикасы буенча Баш идарәсе.