Район мәктәпләрендә имтиханнар бара

Мәгариф бүлегеннән хәбәр итүләренчә, 11 сыйныф укучылары 9 фәннән бердәм дәүләт имтиханнарын тапшырганнар инде. Тагын 3 фәннән тапшырасылары калган. Соңгысын 19 июнь көнне химия белән тарихтан бирәчәкләр. Ә 9 сыйныф укучылары бүген соңгысын - татар теленнән уникенчесен тапшырдылар. 9 сыйныф укучылары арасында ике имтихан бер көнгә туры килеп, үзләре сайлаган фәннән имтихан тапшыра алмый калучы укучылар бар. Андыйлар чираттагы имтиханнарын 19 һәм 23 июньдә тапшырачаклар. Ә 28 һәм 29 июньдә бер я ике фәннән "2" ле алучыларга имтиханнарын яңадан тапшырып карау мөмкинлеге биреләчәк . 11 сыйныф укучылары өчен дә резерв көннәре каралган.