Рамазанов Татарстан Республикасында автобусларны «кулга алу» буенча сынау проект турында сөйләде

Татарстанда транспорт законнарын бозган өчен агымдагы елның май аеннан алып сигез пассажир автобусы «кулга алынган». Ространснадзорның Урта Идел дәүләт автомобиль юллары күзәтчелеге төбәкара идарәсе башлыгы урынбасары Радик Рамазанов «Татар-информ» агентлыгына биргән интервьюсында шулай дип белдерде.

"Без «кулга алынган» транспорт чараларын саклау рәвешендә кечкенә проблема белән очраштык, ләкин бу сорау безнең Хөкүмәт дәрәҗәсендә күтәрелде, алар „Юл хәрәкәте иминлеге“ дәүләт бюджет учреждениесенә сынау проекты сыйфатында әлеге транспорт чараларын саклауны ышанып тапшырды. Бүгенге көндә без сигез машинаны “кулга алдык ”, - дип хәбәр итте ул.

Рамазанов билгеләп үткәнчә, биш автобус пассажирларны регуляр маршрутта рөхсәтсез йөртү өчен “кулга алынган”, ике автобус лицензияләр реестрына кермәгән өчен, һәм берсе автотранспорт компаниясенең гражданлык җаваплылыгын иминиятләштерү контракты булмаган өчен кулга алынган.

Элегерәк Радик Рамазанов “Татар-информ” агентлыгына законнарның намуссыз автотранспорт компанияләренә карата транспорт чараларын «кулга алу» ысулын кулланырга мөмкинлек бирүе хакында сөйләгән иде инде.