Өмелҗинан апа 95 яшен дә җырлап каршы алды

"Сарман: иң яңа хәбәрләр", 11 ноябрь 2022 - 14:53

840

Яңа йорт салсалар да, Өмелҗинан апа яшьлеген искәртеп торучы ярты гасырлык алмагачны да кистермәгән, матур хатирәләрне саклаучы келәтен дә сүттермәгән.

Чукмарлы авылында яшәүче Хәсәнова Өмелҗинан Сабирҗан кызына бүген 95 яшь тулды. Яшь чагыннан ук җырларга ярата ул. “Олы юлның тузаны” аеруча кадерле. Аның белән бергә күңелендә яшьлек хатирәләре, узган хөрмәтле тормыш юлы саклана. Олуг юбилее белән ветеранны район Башкарма комитеты җитәкчесе Фәндәс Вәлиев тәбрикләде. Изге теләкләрен җиткереп, ул Рәсәй Президенты Владимир Путинның Котлау открыткасын, район башлыгы исеменнән истәлек бүләкләре тапшырды. Район социаль яклау бүлеге начальнигы Лилия Гыйльметдинова, “Шәфкать” үзәге директоры Гөлнара Хуҗина, Чукмарлы авыл җирлеге башлыгы Илшат Һадиуллин, аның урынбасары Гөлия Афанасьева, авыл ветераннар советы рәисе Зөлфия Туктарова, балалары да юбилярга сихәтлек, куанычлы гомер, кадер-хөрмәт теләделәр. 95 яше тулган көнне Өмелҗинан апа ярты гасырдан артык күрешмәгән икетуганы Мөхәссәнә апа белән дә очрашты.
Бу хакта тулырак язманы газетабызның алдагы саннарында укыгыз.