Мөнәвир абый музыка уен коралларын үзе ясый

Иске Минзәләбаш авылында яшәүче Мөнәвир Миргаяз улы Вәлиев бик күп төрле музыка уен кораллары ясый: гармун, тальян, кубыз, варган кубыз, тукмак бәләк, трещетка, яңгыр таягы, башкорт, татар һәм төрле тональлектәге курайлар.
- Әткәй белән әнкәй безне - дүрт баланы җыр-моңга гашыйк итеп үстерделәр. Әткәй бик матур итеп тальянда уйный иде. Гармунда уйнау сәләте аннан күчкән безгә, училищеда укыганда ясаган кураема да 42 ел була, - ди Мөнәвир абый.