Матбугат үзәгеннән "Кырмыска торты" рецепты.

Башта 1 кап ак майны (майлылыгы 82 яисә 72 проценттан да ким булмаганны) эретергә куясы. Ул эреп беткәндәрәк 3 аш кашыгы шикәр комы салып, әкрен генә болгата-болгата шикәрне эретеп бетерәсе.
Май суынуга, өстенә 3 аш кашыгы каймак (кибетнекен) саласы, аннары онга 2 чәй калагы камыр йомшарткыч өстәп, каты гына итеп камыр басасы.
Шуннан аны туңдыргычка куеп торасы.
Бераз ял иткәч, я иттарткыч аша, я кыргыч аша чыгарып, камырны табага тезәсе.
Алдан җылынырга куелган духовкада 15-20 минут чамасы (кызара башлаганчы) пешереп аласы.
Крем: бер банка куертылган сөткә (вареная сгущенкага) 1 каптан чак кына азрак йомшарган ак май салып туглыйсы. Искәрмә: май кушмасаң, торт корырак килеп чыга.
Аннары вакланган камырны кремы белән бутап, тыгызламыйча гына тәлинкәгә өеп, өстенә мәк сибәсе. Бу ризыкның өстен эретелгән яисә кыргычтан уылган шоколад сипсәң яхшы була.