Матбугат үзәгеннән көн рецепты – яшел борчак белән коймак

Сезгә яшел борчак белән коймак рецептын тәкъдим итәбез.

Кирәк булалар:

- он - 1 стакан;

- көпшәкләгеч - ½ чәй калагы;

- сөт - 2/3 стакан;

- тавык йомыркасы - 1 данә;

- сарымсак - 1 тырнак;

- киптерелгән тимьян, тартылган кызыл борыч, тоз - тәм буенча;

- яшел борчак - 300 грамм.

Борчакны тозлы кайнап торучы суда 3-4 минут пешерәбез.

Сөзәбез һәм агып торучы суда суытабыз.

Блендерда борчакның ¾ өлешен ваклыйбыз (сөт һәм сарымсак белән).

Онны көпшәкләгеч, тоз һәм тәмләткечләр белән бутыйбыз. Йомырка, вакланган һәм бөтен борчак өстибез. Бутыйбыз.

Майда коймакны ике яклап кыздырабыз.

Барлыгы 30 минут вакыт кирәк.