Матбугат үзәгеннән көн рецепты – дөге һәм ананас белән тавык

Сезгә дөге һәм ананас белән тавык рецептын тәкъдим итәбез.

Кирәк булалар:

- тиресез һәм сөяксез тавык түшкәләре - 2 данә;

- ананас - 1 данә;

- арборио дөгесе - 100 грамм;

- башлы суган - 1 данә;

- тозлы җир чикләвеге - 50 грамм;

- кызыл чили борычы - ½ данә;

- яшь сарымсак - ½ баш;

- кинза - 4 сабак;

- бөтнек - 4 сабак;

- яшелчә шулпасы - 600 миллилитр;

- үсемлек мае - 2 аш калагы;

- кара яңа тартылган борыч, диңгез тозы - 1 данә.

Суган белән сарымсакны чистартабыз һәм турыйбыз. Табада үсемлек маен җылытабыз, суган белән сарымсакны бераз кыздырып алабыз.

Тавык түшкәләрен озын нечкә буйлар формасында кисәбез, табага салабыз, бутап, 2-3 минут дәвамында кыздырабыз.

Дөге салабыз, бутыйбыз, тоз, борыч сибәбез, шулпа салабыз, каплыйбыз һәм әкрен утта 20 минут пешерәбез.

Чили борычын, орлыкларын алып, боҗра формасында турыйбыз. Чикләвекне киледә җиңелчә генә ваклыйбыз.

Ананасны, вертикаль рәвештә куеп, очыннан башлап, урталай кисәбез, һәрбер яртысында йомшагын шакмаклап кисәбез һәм алабыз. Каты кендеген алып, йомшагын турыйбыз, әзер тавык белән дөге янына салабыз һәм бутыйбыз.

Ананасның яртыларын килеп чыккан катнашма белән тутырабыз, чили борычы, чикләвек сибәбез, бөтнек һәм кинза яфраклары салабыз.

Барлыгы 50 минут вакыт кирәк.