Матбугат үзәгеннән көн рецепты – бавыр һәм гөмбә белән салат

Сезгә бавыр һәм гөмбә белән салат рецептын тәкъдим итәбез.

Кирәк булалар:

• голланд сыры - 200 грамм;
• майонез - 150 грамм;
• тавык бавыры - 500 грамм;
• шампиньон - 400 грамм;
• башлы суган - 1 баш;
• көнбагыш мае - 2 аш калагы;
• тоз - тәм буенча;
• тозлы кыяр - 1 данә;
• ачы аштәмләткеч - 1 аш калагы;
• бал - ½ чәй калагы.

Гөмбә белән суганны турыйбыз. Көнбагыш маенда кыздырабыз, тоз сибәбез һәм суытабыз.

Бавырны тозлы суда пешерәбез, суытабыз һәм салам формасында турыйбыз.

Кыярны нечкә салам итеп турыйбыз.

Майонез, ачы аштәмләткеч һәм балны бутыйбыз.

Катнашманы салатка салабыз һәм бутыйбыз.

Салатны тәлинкәгә тавык формасында салабыз. Өстенә сыр уабыз. Пешкән кишердән кикрик һәм томшык ясыйбыз. Күз урынына кара борыч куябыз. Башлы суганнан канатлар һәм койрык ясыйбыз.

Барлыгы 30 минут вакыт кирәк.