Матбугат үзәгеннән көн рецепты – банан белән йомырка тәбәсе

Кирәк булалар:

- сөт - 30 миллилитр;

- крахмал - аш калагының ½;

- банан - 1 данә;

- яшеллек - тәм буенча;

- тоз - 1 чеметем;

- тавык йомыркасы - 3 данә.

Бананны телемләп яки түгәрәкләп турыйбыз һәм аз гына майлы кызган табага салабыз. Уртача утта 2-3 минут кыздырабыз.

Йомырка, сөт, крахмал (он белән алыштырырга була) һәм тозны кушабыз да миксерда болгатабыз.

Банан кисәкләрен икенче яклары белән боргач, йомыркадан әзер булган массаны агызабыз. Каплыйбыз һәм 3-5 минут көтәбез. Яшеллек белән бизибез.

Барлыгы 15 минут вакыт кирәк.