Матбугат үзәгеннән көн рецепты – анар согында тавык канатлары

Сезгә анар согында тавык канатлары рецептын тәкъдим итәбез.

Кирәк булалар:

- тавык канатлары - 1 килограмм;

- анар (гранат) согы - 500 миллилитр;

- соя соусы - 2 аш калагы;

- зәйтүн мае - 2 аш калагы;

- бал - 1 чәй калагы;

- тоз - 1 чәй калагы;

- паприка - 1/2 чәй калагы;

- яңа тартылган кара борыч - тәм буенча.

Соя соусы, зәйтүн мае, анар согы һәм балны бутыйбыз. Катнашмага тавык канатларын салабыз, тоз, борыч сибәбез, бераз паприка өстибез, тәлинкә белән каплыйбыз һәм 1 сәгатькә суыткычка куябыз.

Бер сәгатьтән сыеклыкны агызабыз.

Канатларны рәшәткәгә куябыз һәм 180 градуста 30-40 минут кыздырабыз.