Әлмәтлеләр әфганчыларны искә алдылар

Бу кичәгә Әфганистан сугышында катнашкан авылдашларыбыз Хәйбрахманов Рубис, Маликов Ләззәт, Юнысов Илдус абыйларның әниләре Тәнзилә,Филия, Әминә апалар килгән иде. Шулай ук бу чарада военкаматта эшләүче Камил Миңнеголов , авыл советы җитәкчесе Данияр Газизов  катнашты. Алар Әфганчыларның әниләрен котладылар. Чарада 7-8 класс укучылары катнашып, Әфган сугышы турында шигырьләр сөйләделәр. Авылыбызның яшь, талантлы җырчысы Исламов Азамат үзенең моңлы җырларын тамашачыларга бүләк итте. Бәйрәмне тарих укытучысы  Миләүшә Гайнетдинова алып барды. Бу чараны әзерләүдә Гайнетдинова Эльмира, Шәрәпова Гүзәлия, Нигъмәтуллина Гүзәл, Мөхәммәтова Зөбәрҗәт зур өлеш кертте. Чара бик эчтәлекле һәм файдалы узды.