“Лилия” нәниләре әкият дөньясында сәяхәттә булдылар

"Сарман: иң яңа хәбәрләр", 27 ноябрь 2020 - 13:52

1201

Ноябрь аенда «Лилия» балалар бакчасында театр атналыгы узды. Уртанчылар төркеме балалары А.Алишның “Куян кызы” әкиятен сәхнәләштерделәр. Театр нәниләрне сихри дөньяга алып керә, аларның сәләтен ачарга ярдәм итә, сөйләм телен үстерә, актерлык осталыгына өйрәтә, эстетик һәм әхлакый тәрбия бирә. Әкиятне музыкаль композицияләр тагы да җанландырып җибәрде. Әкият сәхнәләштерүгә әзерлек эшләрендә әти-әниләр дә бик теләп катнаштылар: костюмнар, декорацияләр белән ярдәм иттеләр. Мондый бердәмлек уңай мөнәсәбәтләрнең нигезе булып тора, бакчадагы балаларның тормышын иҗади шатлык белән тулыландыра.