Җәлилдә республика зона фестивале үткәрелде

Бүген, 5 октябрь көнне, Җәлил поселогының Мәдәният сараенда республика картлар һәм инвалидлар интернат-йортларында тәрбияләнүчеләр катнашында "Минем еллар - минем байлыгым" республика зона конкурс-фестивале үткәрелде. Анда республиканың көньяк-көнчыгышында урнашкан тугыз районның картлар һәм инвалидлар интернат-йортларында тәрбияләнүчеләр катнашты. Алар өч - нәфис сүз, вокал һәм бию номинацияләрендә үзара көч сынаштылар. Чыгышларны мәртәбәле жюри бәяләде. Безнең районнан республика турына Җәлил картлар һәм инвалидлар интернат-йортында тәрбияләнүче Лилия Гәрәева һәм Фәрит Хәйруллин үттеләр. Алар район данын 19 октябрьдә Аксубайда үтәчәк бәйге-фестивальдә яклаячаклар.

Бу хактагы тулырак язманы газетаның киләсе саннарының берсендә укый аласыз.