Ләшәү-Тамакта дастаннар буенча фикер алыштылар

2023 ел Татарстан Республикасында Милли мәдәниятләр һәм гореф-гадәтләр елы дип игьлан ителде. Татарстанда яшәүче һәр халыкның тарихи-мәдәни мирасы бик зур һәм бай.

Кеше үз милләтенең тарихын, аның бөтендөнья казанышларында тоткан урынын, данлыклы шәхесләренең исемен белсә, бу аның милли рухы үсешенә йогынты ясамый калмый.

Бүген Ләшәү-Тамак китапханәсе хезмәткәрләре укучы балалар белән дастаннар турында сөйләштеләр. Балалар дастаннар турында кызыклы мәгълүматлар алдылар, алар буенча фикер алыштылар.