Күтәмәле китапханәсендә әдәби викторина үтте

"Сарман: иң яңа хәбәрләр", 14 июль 2026 - 13:04

Күтәмәле авыл китапханәсендә 11 июльдә гаилә көненә багышланган «Яшәгән-булган» дигән әдәби викторина узды.

Китапханәче балаларга гаиләнең һәр кеше тормышындагы әһәмияте турында сөйләде. Балалар гаилә, йорт турындагы мәкальне дәвам иттеләр, табышмакларга җаваплар таптылар, «Яшәгән ди, булган ди» викторинасың сорауларына җавап бирделәр. Шулай ук «Гаилә – ул җылы учак» дигән тематик китап күргәзмәсе әзерләнде. Китапханәче балаларга бәйрәмнең килеп чыгу тарихы белән таныштырды. Яшь укучылар илебезнең һәм башка халыкларның гаилә гореф-гадәтләре, көнкүреше, гаилә бәйрәмнәре турындагы китаплар белән таныштылар, матур итеп гаилә турында рәсемнәр дә ясадылар.