Клара Булатова "Сарман мәгълүмат-мөхәррият үзәге"ндә кунакта булды

Бүген безгә кунакка якташ шагыйрәбез Клара Булатова килде. Ул матбугат үзәгенә Ләке мәдәният йортына 12.00 сәгатьтә булачак очрашуга барганда кереп чыкты, сөйләшеп алырга да вакыт тапты.

Клара Булатова 1936 елның 18 мартында Карамалы авылында туган. Ул төрле өлкәләрдә хезмәт куйган, дистәдән артык шигырь китаплары язган, аның сүзләренә күп җырлар язылган. Клара Гариф кызы - укытучы-методист, Советлар Союзы язучылар берлеге әгъзасы, Татарстанның атказанган мәдәният хезмәткәре, Рафаэль Төхвәтуллин исемендәге әдәби премия һәм Габдулла Тукай исемендәге Дәүләт премиясе лауреатлары. Хәзерге көндә Әлмәт шәһәрендә яши.