Кәүҗияктә иң шәп татар егетен билгеләделәр

22 февраль көнне Кәүҗияк мәдәният йортында Ватанны саклаучылар көненә багышланган бәйрәм кичәсе булды. Кичәне бәйрәм белән котлап авыл җирлеге башлыгы Фиргат Хөснетдинов ачып җибәрде. Иң шәп татар егетен билгеләү буенча өч егет ярыштылар. Илназ, Ранис, Рәйхан барлык биремнәрне дә төгәл, җитез итеп башкардылар. Ярыш концерт номерлары белән аралаштырып алып барылды. Тамашачыларга Гөлгенә Хәйруллинаның, Резедә Кәлимуллинаның, Лилия Гаязованың җырлары, кызларның күмәк биюләре ошады. Иң шәп татар егете исеменә Рәйхан Сабиров лаек булды. Барлык катнашучыларга авыл җирлеге исеменнән истәлек бүләкләре тапшырылды.

Фәүзимә Шакирова, ветераннар советы рәисе.