Халыкара туган тел көне уңаеннан Чурашта төрле чаралар үтте

"Сарман: иң яңа хәбәрләр", 20 февраль 2020 - 08:36

1195

19 февральдә Чураш авылы мәдәният йорты һәм китапханәсе хезмәткәрләре кече яшьтәге мәктәп балалары өчен Халыкара Туган тел көненә багышланган кичә әзерләделәр.

Презентация ярдәмендә бу көннең ничек, кайчан килеп чыгуы турында аңлатылды. Укучылар үзләренең белгәннәре белән уртаклаштылар. Бер- берсенә шигъри тәлгәшләр бүләк иттеләр.Кичәнең икенче өлешендә « Тапкырлар һәм зирәкләр « бәйгесендә көч сынаштылар.Табышмакларга җаваплар эзләделәр, үзләре белгән тирән мәгънәгә ия булган татар мәкальләрен барладылар. Татарстан тарихы, истәлекле урыннары, танылган шәхесләре , табигатенә , символларына кагылган бик күп сорауларга җавап бирделәр.Бер укучы да призсыз калмады. Кичә « Мин яратам, сине , Татарстан « җыры белән тәмамланды