Казанда узган Җиңү парадында Сарман кызлары да катнаштылар
Бүгенге көндә Казан дәүләт медицина университетының педиатрия факультетында белем алучы 1 курс студентлары Гәрәева Рузия Илдар кызы белән Сәхәбетдинова Алия Рамил кызы Казанда узган Җиңү парадында чыгыш ясадылар. Тырыш, яхшы билгеләренә генә укучы кызларны видео аша без дә күзәттек hәм горурлык хисе кичердек.
Булачак табибларның чыгышын карарга якыннары башкалага бардылар.
- Баласының уңышлары өчен һәр ата-ана сөенәдер, мөгаен. Без дә горурлык хисе кичердек. Кызыбызның хәрбиләрчә атлап баруын якыннан күзәтү шундый дулкынландыргыч һәм матур булды. Моңа бит күпме көч, тырышлык куелган. Инструкторларга, оештыручыларга зур рәхмәт. Җиңү бәйрәме бик тәэсирле һәм истәлекле булды, - дип, хис-кичерешләре белән уртаклаштылар Гәрәевләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев