Иске Кәшер урта мәктәбендә салым грамоталылыгы дәресләре узды

"Сарман: иң яңа хәбәрләр", 14 ноябрь 2018 - 08:28

1253

Аны 9,10,11 сыйныф укучылары белән Россия Федерациясе салым хезмәтенең ТР буенча 11 нче номерлы салым инспекциясе баш белгече Фәретдинова Гөлшат Тәзбир кызы үткәрде.

Дәрес барышында укучылар салым төшенчәләре һәм билгеләре, аларның төрләре һәм төп билгеләнеше белән таныштылар, төрле дәүләтләрдә аларны төрле чорларда кертү тарихы турында белделәр. Дәрес дәвамында укучылар төрле биремнәр үтәделәр, салымга мөнәсәбәтен белдерделәр. Әлеге дәрес салым салу системасына уңай эмоциональ мөнәсәбәт формалаштыру һәм үз карарлары өчен җавап бирүче, икътисади яктан грамоталы гражданин тәрбияләү мөмкинлеге бирә.