Ильсинә Бөтенрәсәй фестивалендә җиңү яулады

"Сарман: иң яңа хәбәрләр", 1 ноябрь 2018 - 08:55

1286

27-28 октябрьдә Яшел Үзән шәһәрендә “Йолдызлы карусель” (“Звездная карусель”) Бөтенрәсәй балалар, яшүсмерләр һәм өлкәннәр иҗаты фестиваль-конкурсы үткәрелде.

Сарман гимназиясе укучысы Ильсинә Абдулвәлиева, анда катнашып, I дәрәҗә Лауреат исеменә һәм Кубокка ия булды. Ул “Нәфис сүз. Габдулла Тукай әсәрләре” номинациясендә җиңү яулады. Ильсинәне бәйгегә укытучысы Гөлнара һәдиуллина әзерләгән. Йошкар-Ола шәһәреннән килгән Георгий Константинов исемендәге рус драма академик театры актеры һәм режиссеры – Халыкара театр фестивальләре лауреаты Сергей Васин бәйгедә катнашучыларга мастер-класс үткәргән.