Илексаз авылында Ял паркы төзелә

Әлеге зур проект бик күп эшләрне үз эченә ала: балалар һәм спорт мәйданчыгы, “Мәхәббәт бакчасы”, тау ясау, сабантуй уздыру урыны, Миңнегали чишмәсе, чаңгы трассасы, скандинавча йөрү урыны, 1000 данә кедр агачы утырту һ.б. 

Иң элек көз көне авылда «Мәхәббәт бакчасы» на нигез салынды. Алга таба яңа туган балаларга, яңа гаилә төзелү уңаеннан, никахларда, Тату гаилә көннәрендә агач утырту традициясенә нигез салу планлаштырыла. Узган ел авыл халкы бердәм булып агачлар утыртты. Бу агачлар алдан ук планлаштырылды: самолеттан яки гугл картадан карагач, ИЛЕКСАЗ сүзе укылырлык итеп утыртылды.

 Ял паркында бүә ясау эше дә башланды. Киләчәктә авылдашлар балык тота, су керә- коена алачаклар, шулай ук бүә агачларга су сибү өчен дә кулланылачак. 

Чыганак