Хәерле төннәр теләп, сезгә бездән матур шигырь юллары

Төннәр буе йоклый алмый яттым
Гаеп көзләрдәме , төндәме ?
Соңгы тапкыр сине кайда күрдем
Төшемдәме , әллә өндәме ...

Алтын пәрдә элгән бөтен дөнья ,
Уйларыма көзләр гаепле .
Йокыларга китсәм төшләремнән
Сине эзләрмендер шикелле .

Өннәремдә килсәң уят мине ,
Дәшми генә үтмә янымнан .
Күңел җырыбызны җилләр көйләр
Ишетербез әле соңыннан.

Бергә үргән хыял бакчабызда
Шау чәчәкләр иде , яз иде.
Йоклый алмый ятып таңнар атты
Бу төш түгел , Синсез өн иде .
Резеда Гараева/