Гөлия Бөтенрәсәй бәйгесендә җиңү яулады

"Сарман: иң яңа хәбәрләр", 26 апрель 2026 - 12:06

385

Халкыбыз тарихын өйрәнү, рухи һәм мәдәни кыйммәтләрен барлау һәм саклау, үсеп килүче буында милләтебезгә, туган илгә мәхәббәт тәрбияләү һәм үзаңнарын формалаштыруны күздә тотып, «Ак калфак» IX Бөтенроссия укучы кызлар һәм егетләр бәйгесенең финал өлеше Казан шәһәрендә үтте.

Бәйгене Бөтендөнья татар конгрессы һәм татар хатын-кызларының "Ак калфак" иҗтимагый оешмасы оештырды.
Анда Җәлил икенче санлы гомуми урта белем бирү мәктәбе укучысы Гөлия Йөзлебаева да катнашып, уңышлы чыгыш ясады һәм 2 тур җиңүчесе Дипломына лаек булды. Һәр яктан уңган, тырыш, милләтебезнең өметле киләчәге булган талантлы кызыбызны чираттагы җиңүе белән котлыйбыз. Киләчәктә дә уңыш юлдаш булсын сиңа, Гөлия!