Фәрит Мөхәммәтшин проектларны яктырту буенча бәйге игълан итәргә тәкъдим итте

Фәрит Мөхәммәтшин илкүләм проектларны яктыртуга журналистлар арасында бәйге игълан итү тәкъдиме белән чыкты. Бу хакта ул башкалабыздагы Милли музейда Россия Матбугаты көненә багышланган тантанада белдерде.
«Әлеге фикерне «Татмедиа» да, журналистлар корпусы да хуплар дип ышанам. Бу журналистларны тагы да кызыксындырыр дип уйлыйм», — диде ул.
Аның фикеренчә, конкурска 2020 ел ахырында Дәүләт Советында йомгак ясалачагын әйтте. «Бәйгегә республика һәм федераль матбугатны гына түгел, район-шәһәр журналистларын да җәлеп итәргә кирәк. Бу халыкның тормышын яхшырту, уңайлырак шартлар тудыру бурычын хәл итәргә ярдәм итәчәк», — диде ул.
Фәрит Мөхәммәтшин «Татмедиа» агентлыгына нигезләмә эшләргә, абруйлы жюри әгъзалары исемлеген төзергә күрсәтмә бирде. Ул шулай ук илкүләм проектларны тормышка ашыру өчен Татарстанга 53 млрд сум акча бүлеп бирелүен әйтте.