Батырларча һәлак булган якташыбыз белән хушлаштылар

"Сарман: иң яңа хәбәрләр", 31 июль 2023 - 13:44

2714

Бүген Әлмәт районы Ирекле авылында Украинада махсус операция барышында батырларча һәлак булган Газизуллин Данияр Марс улын соңгы юлга озаттылар.

Җәлилдә яшәгән якташыбыз агымдагы елның 16 мартында үзе теләп Донецк һәм Луганск республикалары территориясендә барган махсус операциягә китә. 20 июль көнне аның хәрби бурычын үтәгәндә һәлак булуы билгеле була. Даниярны туган авылында җирләделәр. Аны соңгы юлга озатырга бик күп халык килгән иде. Сарман районы, Әлмәт шәһәре, җирлек җитәкчелеге, туганнары, якыннары, авылдашлары, дуслары Даниярның әти-әнисе, гаиләсенең кайгысын уртаклаштылар. Авылның имам-хатыйбы дини йолаларны башкарып, җеназа намазы укыды. Данияр Марс улы, һәлак булганнан соң, Батырлык ордены белән бүләкләнгән.