Азалак лагеренда балалар сәламәтлеген кайгырталар

— Бүген мәктәп яны лагерының 2 нче көне. Без көнебезне үзебезнең сәламәтлекне кайгыртудан башладык, авылыбызда урнашкан фельдшер-акушерлык пунктына бардык. Гөлнара апа буйларыбызны, авырлыгыбызны, кан басымнарыбызны үлчәде, кайбер чисталык, бөҗәкләрдән, үсемлекләрдән саклану чараларын аңлатып китте. Һәр кеше өчен үзенең сәламәтлеге беренче урында торырга тиеш, шуңа күрә без һәрберебез сәламәтлегебезне кечкенәдән кайгыртабыз, саклыйбыз! Безгә бу эштә зур ярдәм күрсәтүче Гөлнара апага зур рәхмәт! — дип хәбәр иттеләр Азалак мәктәбе укучылары.