Авыл җирлекләрендә үзара тикшерүләр бара
Агымдагы елның 23 мартыннан районның авыл җирлекләрендә үзара тикшерүләр башланды. Район җитәкчелеге катнашындагы төркемнәр, икегә бүленеп, авыл җирлекләренә чыгалар.
-
Мондый тикшерүләр 28 мартта – Азалак, Саклаубаш, Карашай Саклау, Шәрләрәмә җирлекләрендә, 5 апрельдә Зур Нөркәй, Югары Чыршылы, Чукмарлы, Илексаз авыл җирлекләрендә үтте. Бүген, 12 апрельдә, җирлекләр башлыклары район башлыгы урынбасары Гүзәл Гәрәева җитәкчелегендә - Иске Кәшер белән Яңа Имән җирлегендә, район Башкарма комитеты җитәкчесе Әлфис Мөхәммәтгәрәев белән Янурыс һәм Әлмәт авыл җирлекләрендә очраштылар. Икенче төркем юнәлешендә без дә катнаштык. Тикшерүдә катнашучылар җирлекләрнең социаль объектларында – балалар бакчасында, мәктәптә, ФАПта, китапханәдә, мәдәният йортында булдылар, җирлек башкарма комитеты бинасын карадылар. Эш барышында тәҗрибә уртаклашу, документ эшләре белән танышу, җирлекләрдә тормышка ашырылучы программалар турында сүз барды.
- Мондый очрашулар, үзара тикшерүләр бик файдалы. Җирлекләрдә булып, без бер-беребезгә киңәшләр бирәбез, матур башлангычлар күрәбез. Үзебезнең җирлеккә яңалык кертү, фикерләр туплау, яңа идеяләр булдыру өчен дә, мәгълүмат туплыйбыз, - диләр бертавыштан җирлек башлыклары. -
Альбина Сабирова язмасы һәм фотолары.
Следите за самым важным и интересным в Telegram-каналеТатмедиа
Нет комментариев