2022 елда пенсия күләме 5,9 процентка артачак

“Гамәлдәге закон нигезендә, эшләмәүче пенсионерларга картлык буенча бирелүче пенсия еллык инфляция күләменнән күбрәккә артачак. Икътисади үсеш министрлыгы фаразларына караганда, еллык инфляция 5,8 процент тәшкил итәчәк. Шуннан чыгып, 2022 елда пенсияне 5,9 процентка арттыру күздә тотыла”, – дигән министр “РИА Новости” хәбәрчесенә.

Аның әйтүенчә, эшләмәүче пенсионерның картлык буенча уртача пенсиясе күләме 2022 елда – 18 521 сум, 2023 елда – 19 477 сум, 2024 елда – 20 469 сум булачак.

Картлык буенча пенсияләр һәр ел саен 1 гыйнвардан индексацияләнә. Быел пенсия 6,3 процентка арткан. Хәзерге вакытта аның уртача күләме – 16 789 сум.

Чыганак: https://vatantat.ru/2021/09/64065/