18 мартта Бөтендөнья йокы көнен билгеләп үтәләр

Морфей патшалыгында тәүлегенә 7 сәгатьтән дә ким булмаган вакыт булсаң яхшы. Иртә картаясың килмәсә, нерв системасы һәм органнар эшчәнлеге бозылмасын, йөрәккә һәм баш миенә авырлык төшмәсен, дисәгез, тиешенчә йокларга кирәк. Камил йокы кәефне күтәрә, сәламәтлеккә файдалы. Соңга калып йоклау организмны какшата, арыганлыкны басмый, шуңа күрә иртә ятуны гадәткә кертергә кирәк. Йокы - иң рәхәт һәм ләззәтле халәтләрнең берсе.