Сәлимгәрәевларның кызлары автокреслолы булды +ВИДЕОЛАР

- Күпбалалы гаилә булдык. Олы улыбыз Илкамга – 14 яшь, Кәримгә 9 яшь тула. Кызыбыз Амира барыбызга да куаныч кына китерсен, сәламәт булсын, - диләр бәхетле әти белән әни.
Кызчыкның туган көне дә истәлекле датага туры килгән – ТАССРның 100 еллыгын билгеләп үткән көнне – 27 майда дөньяга аваз салган. Бүген, 1 июнь – Халыкара балаларны яклау көнендә, бала тудыру йортыннан чыгулары да тарихка кереп калачак. Шул уңайдан аны район үзәк шифаханәсенең баш табибы Айрат Галимов, районның ЮХИДИ бүлеге хезмәткәрләре тәбрикләделәр.
- Бүгенге көндә республикада “Игътибар: балалар!” акциясе бара. Сезне кызыгыз тууы белән тәбрик итеп, аңа, гаиләгезгә иминлек телибез һәм автокресло бүләк итәбез, - диде “Юл хәрәкәте иминлеге” дәүләт учреждениесенең район бүлекчәсе начальнигы Алсу Ситдикова.