Иске Кәшердә Харисовлар гаиләсе туй көнен бәйрәм итте

“ Мәхәббәт дигән очар кош бардыр, канатлары пардыр...” - борынгылар әнә шулай җырлаган.

Без дә әнә шундый пар канатлы,бер-берсеннән башка яши алмаучы, бер-берсен кайгыртып, яратып, шатлыкларын да, кайгыларын да бергә уртаклашып 56 ел бергә яшәүче матур гаиләдә кунакта булдык. Икесе дә гомерләрен мәктәптә балалар тәрбияләүгә биргәннәр, бер ул, ике кыз үстергәннәр, оныклар тәрбияләшкәннәр. Балалары Фаиль, Розалия, Гүзәлия әти-әниләренә рәхмәтләрен җиткерделәр, озын сәламәт гомер теләделәр.

Иске Кәшер мәдәният йорты, авыл җирлеге коллективы белән берлектә кызыклы бәйрәм программасы төзеп юбилярларга җылы котлау сүзләрен җиткерделәр.

Башына тәшсә, башмакчы буласың, - дигән бит борынгылар. Гаилә тормышында кем генә булмыйбыз: итекче дә, читекче дә, министр һәм КГБ да. Һәр гаиләнең үз казаны.Ул шунда кайный, уз шатлыгы, уз кайгысы һәм әлбәттә инде, үзе генә

белгән, узенә истәлекле, ә бәлки кызыклы да вакыйгасы да булган.

Ромашка чәчәге мәхәббәт һәм тугрылык билгесе. Кичә барышында пар канатлы гайләбез белән “Ромашка” уены уйнадык. “Мәкальнең азагын әйтеп бетер” дигән биремнәрне чишеп, гомер хатирәләрен искә төшереп, тормыш барышында кем “министр”, ә кем “КГБ” булган серләрне дә ачыкладык.

Рухың төшсә куңелеңә канат куючы кирәк,

Уй-хисеңне карашыннан аңлап торучы кирәк.

Җанын назга сусаганда назлап сөюче кирәк,

"Ашың буген бигрәк тәмле пешкән”- диеп әйтүче кирәк.

Гаилә бәхете язгы ташу түгел,

Үзе килми юллар ярмыйча

Аның өчен бергә җиң сызганып,

Көрәшергә кирәк армыйча.

Гомер китабыгыз Сезнең

Булсын әле бик калын

Анда сезгә насыйп булсын,

Зур юбилейлар тагын.