Бүген –яраткан җырчыбыз Зөһрә Шәрифуллинаның туган көне

Сарман урта мәктәбен, «Баян» һәм «җыр» белгечлекләре буенча Салих Сәйдәшев исемендәге Түбән Кама музыка училищесын тәмамлаган. 1991 елда райондашыбызга - Татарстанның атказанган артисты, 1997 елда Татарстанның халык артисты дәрәҗәле исемнәре бирелә. Сарман сандугачы, кабатланмас моң иясе Зөһрә Нигъмәтулла кызы 2016 елда «Фидакарь хезмәте өчен» медаленә лаек була. Без Зөһрә апаны барлык райондашлары, иҗатын якын күрүче, аны хөрмәт итүче дуслары исеменнән гомер бәйрәме белән тәбрик итәбез. Аңа ныклы сәламәтлек, гаилә иминлеге, бәхет-куанычлар, иҗат уңышлары телибез.