“ТАТМЕДИА” призын өченче тапкыр алды

Аның 2019 елның икенче яртысына подписка чорына үткәрелгәнендә 178 кеше катнашкан. Төп приз булган SAMSUNG телевизорыннан тыш Polaris мультиваркасы, Moulinex блендеры һәм сарык йонынннан сырылган унике юрган уйнатылган. Шулай ук, традиция буенча, һәр районнан “ТАТМЕДИА” басмаларына иң зур суммага берәр кешегә кызыксындыру призлары да бар иде. Безнең районнан аңа Иске Минзәләбаш авылында яшәүче Гүзәлия Шәйхелисламова лаек булды.
– Бу – инде өченче тапкыр приз отуым, бу яртыеллыкка “ТАТМЕДИА”ның сигез басмасына язылган идем, - ди ул.- Киләсе елның беренче яртыеллыгына да инде дүрткә язылдым, пенсия алуга, әле тагын язылам. Мин укымыйча тора алмыйм һәм газета-журналлар укымаган кешегә аптырыйм. Тормышта һәрнәрсәгә урын булырга тиеш.