Сочидагы якташыбыз махсус операциядә хезмәт итүчеләргә ярдәм итә

Сочи шәһәрендә яшәүче якташыбыз – шәһәрнең татар-башкорт җәмгыяте аксакаллары Советы, Адлер районы буенча запастагы офицерлар союзы рәисе Рәшит Заһиров махсус операциядә хезмәт итүчеләргә даими матди ярдәм күрсәтә. Ул күп тапкырлар махсус операция зонасында булды, хезмәткәрләрнең хәлләре белән танышты, Сочи шәһәренең “кайнар нокталар” ветераннары тарафыннан җыелган гуманитар ярдәм, кирәк-яраклар һәм күчтәнәчләр тапшырды. Ул шулай ук андагы татар егетләре белән очрашып, якташларыбызны да барлап тора.