Сарманлыларны чаңгы юллары чакыра

Халыкның сәламәтлеген ныгыту чарасы буларак, кышкы спорт төрен популярлаштыру максатларында, 2022 елның 11 февралендә Сарманның “Старт” чаңгы үзәгендә “Татарстанның чаңгы юллары” республика массакүләм ярышлары уздырыла.
Анда катнашучыларны теркәү иртәнге 8.00 сәгатьтә башлана. 10.00 сәгатьтә парад үткәреләчәк һәм 10.30 сәгатьтә ярышларга старт биреләчәк.

Ярышта катнашырга теләүчеләрнең үз чаңгылары белән килүләре сорала.